ފެމެލީއެންޑް ޗިލްރަން ސާވިސް ސެންޓަރާއި ކައުންސިލްތައް ގުޅިގެން އަންހެނުންގެ ދުވަސް ކުލަގަދަކޮށް ފާހަގަކުރަނީ

ފުވައްމުލަކު ފެމެލީއެންޑް ޗިލްރަން ސާވިސް ސެންޓަރާއި ފުވައްމުލަކު ކައުންސިލްތައް އަދި އަވަށްތަކުގެ އަންހެނުން ގުޅިގެން މިއަހަރުގެ ބައިންލް އަގުވާމީ އަންހެނުންގެ ދުވަސް ކުލަގަދަކޮށް ފާހަގަކުރަން ނިންމާފައިވާކަމަށް ފެމެލީ އެންޑް ޗިލްރަންސާވިސް ސެންޓަރުން މައުލޫމާތު ދެއްވައިފިއެވެ.

ކައްޓެޅިއަށް މައުލޫމާތު ދެއްވަމުން އެސެންޓަރު ހިނގެވުމާ ހަވާލުވެ ހުންނެވި އެސިސްޓެންޓް ސޯޝަލް ސާވިސް ވޯކަރ އަބްދުއްﷲ މަސްއޫދު ވިދާޅުވީ ބައިންލަ އަގުވާމި އަންގެނުންގެ ދުވަސްކަމަށްވާ އަށެއްމާޗު ފާހަގަކުރުމުގެ ގޮތުން އެދުވަހާއި ނުވައެއް އަދި ދިހަވަނަދުވަހަށްވެސް ތަފާތު ޕްރޮގްރާމުތައް ރެވިފައިވާކަމުގައެވެ.

މަސްއޫދު ވިދާޅުވީ އަންހެނުންގެ ދުވަސް ފާހަގަކުރުމުގެ ހަރަކާތް ފެށޭނީ ދޫޑިގަމު އަވަށުގެ އަންހެނުން އިސްނަގައިގެން އަވަށްތަކުގެ އަންހެނުންނާއި ކައުންސިލްތައް އަދި ފެމެލީއެންޑް ޗިލްރަން ސާވިސް ސެންޓަރާއި ރަށުގެ އެކި ޖަމާއަތްތަށް ގުޅިގެން ރަށުގެ ބޮޑެތި މަގުތަކުގައި ބާއްވާ ވެހިކަލް ބުރަކުން ކަމުގައެވެ. މި ބުރު ފަށާގޮތަށް ހަމަ ޖެހިފައިވަނީ ފުވައްމުލަކު އަތޮޅުގެ ކުރިމަތިންނެވެ.

މީގެ އިތުރުން ނުވަވަނަދުވަހު ފެމެލީއެންޑް ޗިލްރަން ސާވިސް ސެންޓަރާއި ކައުންސިލްތަކާއި އަވަށްތަކުގެ އަންހެނުން ގުޅިގެން ބާއްވާ އަތޮޅުގެ އަންހެނުންގެ އަތްތެރި މަސައްކަތް ދައްކުވައިދެ ފެއާއެއް ޏ އަތޮޅު ތައުލީމީ މަރުކަޒުގެ ހޯލުގައި އޮންނާނެއެވެ. މިފެއާ ކުރިއަށްދާނި އެދުވަހު މެންދުރުފަހު 2:00 އިން ހަވީރު 6:00 އަށެވެ. އަދި 10 ވަނަދުވަހު އަނހެން ބޭކަނބަލުންގެ ސިއްހީ ދުޅަހެޔޮކަން އިތުރު ކުރުމުގެ މަގުސަދުގައި ބާއްވާ ކުޅިވަރު ހަވީރެއް ފުވައްމުލަކު ސްޓޭޑިއަމުގައި ބޭއްވުމަށް ވަނީ ރޭވިފައެވެ. މިހަރަކާތް އޮންނާނީ އެދުވަހު 4:00 އިން 6:00 އަށެވެ.

މަސްއޫދު ވިދާޅުވީ މިއީ އެންމެންގެ އެއްބާރުލުން ބޭނުންވާކަމެއްކަމަށާއި ފުވައްމުލަކުގެ ހުރިހާ އަންހެން ބޭފުޅުންވެސް ވީމިންވަރަކުން މިހަރަކާތްތަކުގައި ބައިވެރިވެ ލެއްވުމަކީ އެސެންޓަރުގެ ވަރަށްބޮޑު އެދުމެއްކަމުގައެވެ.