ކްރިކެޓް ބޯޑުން ފަސްތަރީގެ ހޮޓަލެއް އެޅުމަށް އަތޮޅު ކައުންސިލާއި އެއްވެސް މަޝްވަރާއެއް ނުކުރަން: ފައިސަލް

ކްރިކެޓް ބޮޑް އޮފް މޯލްޑިވްސް އިން ފުވައްމުލަކުގައި ފަސްތަރީގެ ހޮޓަލެއް އެޅުމަށްޓަކައި ފުވައްމުލަކު އަތޮޅު ކައުންސިލާއި އެއްވެސް މަޝަވަރާއެއް ނުކުރާކަމަށާއި އަދި ފަސްތަރީގެ ހޮޓަލެއް ހެދުމުގެ އެއްވެސް ވިސްނުމެއް ކްރިކެޓް ބޯޑުން ނުވެސް ގެންގުޅޭކަމަށް ކްރިކެޓް ބޯޑުގެ ޖެނެރަލް ސެކްރެޓަރީ މުހައްމަދު ފައިސަލް ވިދާޅުވެއްޖެއެވެ.

އޭނާ މިހެން ވިދާޅުވީ ފަސްތަރީގެ ހޮޓަލެއް ކްރިކެޓް ބޯޑުން ފުވައްމުލކުގައި އަޅަން ފުވައްމުލަކު އަތޮޅު ކައުންސިލާއި މަޝްވަރާ ކުރައްވަމުންގެންދަވާ ކަމަށް މީޑިއާގައި ފެތުރެމުންދާ ޚަބަރަކާއި ގުޅިގެން ކައްޓެޅިން މިއަދު ދެންނެވި ސުވާލަކަށް ޖަވާބުދެއްވަމުންނެވެ. "އަޅުގަމޑަށްވެސް ތިވާހަކަ އަޑުމިއިވުނީ އަލަށް އަޅުގަނޑު އެއްގޮތަކަށް ނުދެނަހުރިން ފަސްތަރީގެ ހޮޓަލެއް އެޅުމުގެ މަޝްވަރާތަކެއް ކުރެވޭ އަދި ކުރެވުނުކަމެއްވެސް" ފައިސަލް ވިދާޅުވިއެވެ.

ފައިސަލް ވިދާޅުވީ ކްރިކެޓް ބޯޑުން ފުވައްމުލަކުގައި ތަރައްގީކޮށްފައި އޮތް ދަނޑާއި އިންވެގެން ނުވަތަ ދަނޑުގެ ކައިރީގައި ކްރިކެޓް ހައުސް އެއް އެޅުމުގެ ރޭވުންތަކެއް ގެންގުޅުއްވާ ކަމުގައެވެ. އެއިމާރާތަކީ އެކޮމޮޑޭޝަން ބަޔަކާއި އޮފީސްބައެއް ހިމެނޭ ގޮތަށް ކުރެވޭ އިމާރާތެއްކަމުގައެވެ. ނަމަވެސް އެމަސައްކަތް ފެޝޭނެ ތާރީޚަކައި އިމާރާތުގެ ބޮޑުމިން އަދި ދަންނަވަން ނޭގޭ ކަމުގައެވެ.

އިތުރު ތަފުސީލު ދެއްވަމުން އިމާދު ވިދާޅުވީ ވި އެޕްރޮޖެކްޓަކީ މާލޭގައި އެއިމާރާތެއް އަޅަން އޭޝިއަން ކްރިކެޓް ކައުންސިލް (އޭސީސ) މެދުވެރިކޮށް ލިބިފައިވާ ޕްރޮޖެކްޓެއްކަމަށާއި ނަމަވެސް ސްޓޭޑިއަމް ސަރަހައްދު ބޭނުންކުރާނޭގޮތައް އަދި ބަދަލުތަކެއްގެ ސަބަބުން އެއިމާރާތް މާލޭގައި ނުކުރެވޭނޭކަން މިހާރު ޔަގީންވެފައިވާކަމުގައެވެ. އަދި އެޕްރޮޖެކްޓް ފުވައްމުލަކަށް ބަދަލުކުރުމަށް އަނގަބަހުން އޭސީސީ އާއި ވާހަކަ ދެކެވި ޕޮޒިޓިވް ޖަވާބެއްވެސް ލިބިފައިވާކަމުގައެވެ. ނަމަވެސް އެކަން މުޅިން ޔަގީންވާނީ ލިޔެކިޔުމުން އެ ޔަގީންކަން ލިބުމުން ކަމުގައެވެ. އެހެން ނަމަވެސް އެކަން ކުރެވޭނޭ ކަމުގެ ވަރަށް ބޮޑު ޔަގީން ކަމެއް އެބައޮތްކަމަށާއި އަންނަ އަހަރު ނިމުމުގެ ކުރިން އެ އިމާރާތުގެ މަސައްކަތް ނިންމުމަށް އުންމީދުކުރައްވާ ކަމުގައެވެ. އަދި އިމާރާތް ކުރުމަށް ބޭނުންވާ ބިމުގެ ކަންތައް ވެސް ހަމަޖެހެމުން އަންނަކަމަށް ފައިސަލް ވިދާޅުވިއެވެ.

ފުވައްމުލަކުގައި ފަސްތަރީގެ ހޮޓަލެއް އެޅުމާއި ބެގޭގޮތުން ރަސްމީ އަދި ނުރަސްމީވެސް އެއްވެސް މަޝްވަރާއެއް ފުވައްމުލަކު އަތޮޅު ކައުންސިލާއި ކްރިކެޓް ބޯޑާއި ދޭތެރޭ ކުރވިފައި ނުވާކަމަށް އަތޮޅު ކައުންސިލް ހިންގުމާ ހަވާލުވެ ހުންނެވި ކައުންސިލްގެ ނައިބްރައީސް އަލީ ފަޒާދުވެސް ވިދާޅުވިއެވެ.

ދިގުވާނޑު ކައުންސިލްގެ ރައީސް ޚާލިސް ޝަރީފު ވިދާޅުވީ ކްރިކެޓް ހައުސްއެއް އެޅުމަށް ބޭނުންވާ ބިން ލިބޭނޭ ކަމުގެ އިޝާރާތެއް ކްރިކެޓް ބޯޑަށް ކުރައްވާފައިވާނޭކަމުގައެވެ. ނަމަވެސް އެތަނުގެ ކުރަހުންތަކާއި އެއްޗެހި ނުލިބޭތީއާއި ބޭނުންވާ ބިމުގެ ސައިޒްވެސް މުޅިން ޔަގީން ނުވާތީ އަދި ބެންދޫކުރުމުގެ ހުރިހާކަމެއް ފުރިހަމަ ކޮށްފައި ނުވާކަމުގައެވެ.